მივიღე მუქარა ივანიშვილისაგან,  თუ არ გავჩერდებოდი,  მოხდება ჩემი და ჩემი ოჯახის განადგურება - ამის შესახებ რუსთავის მე-12-ე დაწესებულებაში მყოფი, უშიშროების ყოფილი მაღალჩინოსანი, სოსო გოგაშვილი, სოციალურ ქსელში წერს.

გოგაშვილი მიმართავს უფლებადამცველ ორგანიზაციებს, დაიცვან მისი და მის ოჯახის უსაფრთხოება.

კეთილი ფილანტროპი არა…?  მე-12 დაწესებულებაში მივიღე მუქარა ბიძინა ივანიშვილისაგან, რომ თუ არ გავჩერდებოდი და სასურველ ჩვენებას არ მივცემდი, მოხდება ჩემი და ჩემი ოჯახის განადგურება. შეიძლება გავიგო, რომ ჩემი ოჯახი CO-თი გაიგუდა, ხანძარს ემსხვერპლა ან ავტოსაგზაო შემთხვევას. უკეთეს შემთხვევაში მოხდება ჩემი ოჯახის წევრებისა და ახლო გარემოცვისათვის ჩადება და მათი დაჭერა , ოცნების ზონდერ მედიების შემოსევა. ჩემი ოჯახისა და ახლობლების წინააღმდეგ განხორციელებულ უკანონობებზე პასუხისმგებლობას ვაკისრებ ბიძინა ივანიშვილსა და მის ოჯახს. მე ჩემს ოჯახთან ერთად გავაგრძელებ ბრძოლას სამართლიანობისთვის და გავაგრძელებ მხილების კამპანიას.
  მივმართავ თხოვნით სახალო დამცველს, პოლიტიკოსებს განურჩევლად მათი პოზიციისა, არასამთავრობოებს, უფლებადამცველებს, დიპლომატიურ კორპუსსა და მედიას - დაიცვან ჩემი უდანაშაულო ოჯახი.
  ასევე მივმართავ ჩემს ნათესავებს, მეგობრებსა და მათ,  ვისაც ჩემგან სიკეთე ახსოვს - დაიცავით ფიზიკურად ჩემი უდანაშაულო ოჯახი.  - წერს სოსო გოგაშვილი.
 

უშიშროების სამსახურის უფროსოს ყოფილი მოადგილე, სოსო გოგაშვილი, მას შემდეგ დააპატიმრეს, რაც არჩევნების გაყალბების შესახებ მტკიცებულებების გასაჯაროვება დააანონსა.