დღეს ამნისტია ხელისუფლებას უფრო სჭირდება, ვიდრე ოპოზიციას - გია ხუხაშვილი

21.04.21 17:23
დღეს ამნისტია ხელისუფლებას უფრო სჭირდება, ვიდრე ოპოზიციას - გია ხუხაშვილი

დღეს ამნისტია ხელისუფლებას უფრო სჭირდება, ვიდრე ოპოზიციას და თუნდაც ნიკა მელიას - ამის შესახებ პოლიტიკის ექსპერტმა, გია ხუხაშვილმა,  განაცხადა. ხუხაშვილი მიიჩნევს, რომ ამნისტია ხელისუფლების წარმომადგენელთა დანაშაულებებსაც შეეხება.

ხელისუფლება კენჭისყრაზე გამოიტანს ოპოზიციის მიერ ინიცირებული კანონის ალტერნატულ პროექტს, რომლითაც ამნისტია შეეხება სისტემის დანაშაულსაც.
კენჭისყრას, ბუნებრივია მოიგებენ.
ნიკა მელიას, უნდა თუ არა, ციხიდან გამოაგდებენ.
შესაბამისად, გომურსა და სხვა დაზარალებულებზე პასუხისმგებლობა ოპოზიციაზეც ნაწილდება – იმათმა თუ ჩაიდინეს, ამათმა “გააპრავეს”.
ამის შემდეგ, ,,ნაც.მო" თუ არ შევა პარლამენტში, ბოდიში და სულ ფეხებზე ჰკიდიათ. აწყობთ კიდევაც.
სრულიად ცხადია, რომ დღეს ამნისტია ხელისუფლებას უფრო სჭირდება, ვიდრე ოპოზიციას და მელიას.
ასე რომ, ამ მოცემულობაში, ასეთი მორალური დილემის პირისპირ, მელიას მხრიდან სწორი გადაწყვეტილებაა – ამნისტიის ჩაშლა გირაოს გადახდით - აცხადებს გია ხუხაშვილი.