2019 წელთან შედარებით, გაზრდილია იმ ადამიანების რიცხვი, რომლებიც ევროკავშირში გაწევრიანების ხელის შემშლელ ფაქტორად ხელისუფლების მხრიდან პოლიტიკური ნების ნაკლებობას ასახელებს - ამის შესახებ ეროვნულ-დემოკრატიული ინსტიტუტის (NDI) უახლეს კვლევაშია საუბარი.

კითხვაზე თქვენი აზრით ყველაზე მეტად რა უშლის საქართველოს ხელს, რომ გახდეს ევროკავშირის წევრი, პასუხები ასე გადანაწილდა: 

• პოლიტიკური ნების ნაკლებობა საქართველოს ხელისუფლების მხირდან - 25%
• საქართველოს ტერიტორიული კონფლიქტები - 19 %
• რუსეთი - 17%
• პოლიტიკური ნების ნაკლებობა ევროკავშირის მხირდან - 15 %
• პოლიტიკური არასტაბილურობა საქართველოში - 14 %
• დემოკრატიის ნაკლებობა - 13 %
• განუვითარებელი ეკონომიკა - 10 %
• ნაკლებად განვითარებული სამოქალაქო საზოგადოება - 9 %
• საჯარო მოხელეთა დაბალი პროფესიონალიზმი - 8%

ცნობისთვის, კვლევა ჩატარებულია NDI-ის დაკვეთით CRRC საქართველოს მიერ. საველე სამუშაოები 2022 წლის 12 ივლისიდან 15 აგვისტოს პერიოდში ჩატარდა. სატელეფონო ინტერვიუს მეთოდით ჩატარდა 2 104 დასრულებული ინტერვიუ. საშუალო ცდომილების ზღვარი არის +/- 2%.