მიხეილ სააკაშვილის საქმე - პენიტენციური სამსახური ისტორიული პროცესის გადადებას ითხოვს. 

როგორც რატი ბრეგაძის უწყების წარმომადგენელმა განაცხადა,  დოკუმენტაციის შესწავლა უნდა მოხდეს, ამისთვის კი ერთი თვეა სჭირდებათ. 

"გონივრული ვადა გვესაჭიროება და ეს გონივრული ვადა ერთი თვეა" - თქვა მან. 

9 დეკემბერს ადვოკატების მიერ წარმოდგენილი იქნა დამატებითი სამედიცინო დოკუმენტაცია, რომელიც სასამართლოდან გავიტანეთ 12 დეკემბერს.  დოკუმენტები საჭიროებს შესწავლა - დამუშავებას. ამისთვის სამსახურს ესაჭიროება გონივრული ვადა და ეს გონივრული ვადა არის 1 თვე და სწორედ ეს ვადა სჭირდება სამსახურს, რათა სრულად შეისწავლოს დოკუმენტაცია და სასამართლოს სრულყოფილი პოზიცია წარმოუდგინოს“,- განაცხადა ნიკა აბრამიშვილმა.

ამასთან, მოსამართლე გიორგი არევაძემ პენიტენციური სამსახურიდან მიღებული  წერილი წაიკითხა, სადაც წერია, რომ „პენიტენციური სამსახური ამ ეტაპზე მოკლებულია შესაძლებლობას მიხეილ სააკაშვილის დისტანციური ჩართვა უზრუნველყოს“.