რუსეთის სათათბიროში  საქართველოს მოქალაქეებისთვის სავიზო რეჟიმის გამარტივებას და პირდაპირი ავიამიმოსვლის აღდგენას მხარს უჭერენ. ამის შესახებ განცხადება საგარეო კომიტეტის თავმჯდომარის მოადგილემ დმიტრი ნოვიკოვმა გააკეთა.

ნოვიკოვის განცხადებით, რთული პეროდის მიუხედავად, რომელიც რუსეთ-საქართველომ გაიარა, უკეთესი იქნება, რუსეთმა სხვადასხვა ქვეყნებთან მაღალი კომუნიკაცია შეინარჩუნოს.

ამ ქვეყნის (საქართველოს) ტერიტორიაზე ბევრი ისეთი მოქალაქე ცხოვრობს, რომლებსაც რუსეთი მოსწონთ და ჩვენ ხალხებს შორის მეგობრული ურთიერთობა სურთ, - განაცხადა ნოვიკოვმა. 

პარლამენტარმა ასევე, არ გამორიცხა, რომ სავიზო რეჟიმი უახლოეს მომავალში გამარტივდეს.