შეაგინე ბერას - ამ სახელწოდებით აქცია, ხვალ 18:00 საათზე კანცელარიასთან გაიმართება. აქციის დაგეგმვის მიზეზი, ის სკანდალური ჩანაწერი გახდა, რომელიც ტვ პირველმა მოიპოვა და "ნოდარ მელაძის შაბათის" ეთერში გავიდა. აუდიოჩანაწერში ბერა  ირაკლი ღარიბაშვილსა და ანზორ ჩუბინიძეს კონკრეტულ დავალებებს აძლევს, როგორ დასაჯონ ის პირები, რომლებიც ბერა ივანიშვილის მიმართ უარყოფით კომენტარებს წერენ. საუბრიდან ასევე ირკვევა, რომ "სადამსჯელო ოპერაციებს" ანზორ ჩუბინიძე პირადად ატარებდა და ანგარიშს ოლიგარქის შვილს აბარებდა.