დარჩენილი 4 თვე და მხოლოდ 1 შესრულებული რეკომენდაცია სავალდებულო 12-დან - საგანგაშო ანგარიშს მესამე სექტორი აქვეყნებს.

რითი წარდგება საქართველო ევროკომისიის წინაშე? დასკვნის თანახმად, ამ დრომდე იგნორირებულია მოთხოვნების მთავარი პაკეტი. ხელისუფლება არაფერს აკეთებს პირობების შესასრულებლად  - ასეთია მესამე სექტორის დასკვნა. 

დეოლიგარქიზაცია, დეპოლარიზაცია, მედიის თავისუფლება, სასამართლო რეფორმა და არასამთავრობო სექტორის ჩართულობა პროცესებში - ეს ის ძირითადი მოთხოვნებია, რომლებიც ამოსავალი წერტილი იქნება  ევროკავშირისთვის გადაწყვეტილების მიღების დროს.

"ქართული ოცნება" მოჩვენებითი რეფორმებით კანდიდატის სტატუსს ვერ მიიღებს - ეს არაერთხელ უთხრეს ბრუსელიდან საქართველოს ხელისუფლებას, თუმცა შეფასებამდე 4 თვით ადრე რეკომენდაციების შესრულება იმავე ეტაპზეა, როგორც ერთი წლის წინ იყო.

ვრცლად ნახეთ ლიკა ჯანყარაშვილის რეპორტაჟში.