მოხვდება  თუ არა რადიკალთა ჯგუფის ლიდერი შავ სიაში? ადამიანების ქუჩა-ქუჩა დევნა და მათ წინააღმდეგ ანგარიშსწორება კოკა მორგოშიას შესაძლოა, დიდი ფასი დაუჯდეს. ევროპარლამენტარები ითხოვენ, დაუწესდეს სანქციები პერსონალურად მორგოშიას და მის რადიკალურ  დაჯგუფება "ალტ ინფოს".  

ღარიბაშვილის  მფარველობის ქვეშ მყოფი მოძალადეების დაცვა დღეს საპარლამენტო ჯგუფმა აიღო საკუთარ თავზე. მიხეილ სარჯველაძე ამტკიცებდა, რომ თუ "ალტ-ინფოს" დაასანქცირებენ, ეს ქვეყნის  რეპუტაციას დააზიანებს. თუმცა ადამიანის უფლებათა დაცვის კომიტეტის თავმჯდომარეს საქართველოს რეპუტაცია არ გახსენებია მაშინ, როცა მოძალადეები ადამიანებს ქუჩაში ლამის მოსაკლავად დასდევდნენ.