ლაპარაკობს კრემლი, ლაპარაკობს "ოცნება" - ოფიციალური მოსკოვისა და საქართველოს ხელისუფლების გზავნილები ერთმანეთისგან უკვე არაფრით  განსხვავდება.  მარია ზახაროვამ ბათუმის პროტესტს დღეს ზუსტად ის შეფასება მისცა, რაც რამდენიმე დღის წინ ირაკლი კობახიძემ.  "ეს არ იყო საქართველოს მოქალაქეების პროტესტი და მას არ ჰქონდა ქვეყნის შიგნით მხარდაჭერა"- ამბობს რუსეთის საგარეო საქმეთა სამინისტროს პრეს სპიკერი და აქვე კობახიძის სტილში თავს ესხმის შეერთებული შტატების ელჩს კელი დეგნანს

იწერება თუ არა  ოცნებისა და  მოსკოვის გზავნილები კრემლში?   მმართველი პარტია, რომლის ლიდერებმაც ბათუმის მოვლენებიდან  რამდენიმე საათში საკუთარი ქვეყნის მოქალაქეებს ქაჯები ეძახნენ,   დღეს  პრაქტიკულად მიმალვაში იყვნენ. არცერთი სიტყვა არ მოგვისმენია კრემლის პროპაგანდაზე, რომლის გამხმოვანებელიც დღეს ზახაროვა იყო. მედიასთან მხოლოდ კალაძე გამოჩნდა და მანაც კითხვა უპასუხოდ დატოვა.