„გრინსერვის პლიუსი“ შავ სიაში არ მოხვდა. კომპანია, რომელსაც ვაკის პარკის საქმეზე პასუხისმგებლობა დააკისრეს, მისი ხელმძღვანელი კი ციხეში გაუშვეს, ბაზარზე ისევ ოპერირებს და მილიონიან ტენდერებს იგებს. 

შესყიდვების სააგენტოში ფიქრობენ, რომ კომპანიისთვის გაფრთხილების მიცემაც საკმარისია და შავ სიაში შეყვანა მიზანშეწონილი არ არის.  

კორუფციის მკვლევარები კი არ გამორიცხავენ, რომ საქმე გვქონდეს მერიასა და „გრინსერვის პლიუს“ შორის გარიგებასთან. თუ კომპანია ვაკის პარკის საქმეზე მერიის მაღალჩინოსნების სავარაუდო დანაშაულზე გაჩუმდება, მაშინ დიდი ფულის კეთებას ისევ გააგრძელებს.