ძებნა გაგრძელდება, ვიდრე იქნება თუნდაც მცირე შანსი, რომ გარდაცვლილი იქნეს ნანახი - ამის შესახებ საგანგებო სიტუაციების მართვის სამსახურის ხელმძღვანელმა თემურ მღებრიშვილმა განაცხადა.

ზოგადად, რა თქმა უნდა, არსებობს გონივრული ვადები იმ ანალიზებზე დაყრდნობით, რომელიც შეიძლება კეთდებოდეს კონკრეტულ სტიქიური უბედურების ზონებში, თუმცაღა, პრემიერმინისტრის და შინაგან საქმეთა მინისტრის დავალებით, გადაწყვეტილებით სამძებრო სამუშაოები გაგრძელდება იმ დრომდე, ვიდრე იარსებებს თუნდაც მცირეოდენი შანსი იმის, რომ გარდაცვლილი იქნეს ნანახი, თუნდაც, რაიმე სახის ფრაგმენტი. სამწუხაროდ, გვიწევს ამ ძალიან მძიმე თემაზე საუბარი, მაგრამ ეს არის ფაქტი". - განაცხადა მღებრიშვილი.