რისი ეშინია "ქართულ ოცნებას" - მმართველი გუნდი შოვის ტრაგედიის შესასწავლად საგამოძიებო კომისიის შექმნას არ ემხრობა.

"ქართული ოცნების" წევრი, გივი მიქანაძე ოპოზიციას აკრიტიკებს და შეახსენებს, რომ პარლამენტი საგამოძიებო უწყება არ არის და მას მხოლოდ ზედამხედველობა ევალება. 

არანაირი საგამოძიებო კომისიის შექმნის საჭიროება არ არის და პარლამენტი არ არის საგამოძიებო ორგანო, პარლამენტი არის საზედამხედველო ორგანო და ოპოზიციას მოვუწოდებ, ჩაიხედოს რეგლამენტში კარგად, რომ ძალიან ბევრი მექანიზმი აქვს, რომელიც შეუძლია გამოიყენოს.

არავინ არ გაურბის პასუხისმგებლობას, მაგრამ ფაქტი არის ერთი, ამას ადასტურებენ პროფესიონალები, რომ ეს იყო სტიქიური უბედურება, რომლის პრევენციაც ფიზიკურად შეუძლებელი იყო და შესაბამისად, სახელმწიფოს მხრიდან რეაგირება იყო მყისიერი, ყველაფერი გაკეთდა იმისთვის, რომ მაქსიმალურად თითოეული ადამიანის სიცოცხლე გადარჩენილიყო," - ამბობს გივი მიქანაძე.