დიდი დაბნეულობა ოპოზიციაში. გიორგი გახარიას გუნდი პარლამენტში საგამოძიებო კომისიის შექმნას მხარს არ უჭერს, რითაც საკითხი პრაქტიკულად ჩასაგდებად არის განწირული. ასეთ შემთხვევაში ოპოზიციას საკმარისი ხმების შეგროვების პერსპექტივა არ აქვს. გახარიას თანაპარტიელები ამბობენ, რომ  კომისიის შექმნის მოთხოვნა ფარსია და მხოლოდ პოლიტიკურ ინტერესებს ემსახურება. 

ოპოზიციას გახარიას გუნდის ამ გადაწყვეტილებამ ბევრი კითხვა გაუჩინა და ცდილობენ ახსნა მოძებნონ. დეპუტატები არ გამორიცხავენ რომ  ექსპრემიერის თანაგუნდელები ამ ფორმით საკუთარი ლიდერის გადარჩენას ცდილობენ. 

კითხვები, რომლებიც რაჭასთან დაკავშირებით არსებობს, მათ შორის გახარიას პრემიერობის პერიოდსაც უკავშირდება. ვის უნდა და ვის არა სიმართლის მოსმენა შოვის ტარგედიაზე? – „ქართული ოცნება“ კომისიის შექმნაზე კატეგორიულ უარს აცხადებს.