ემუქრება თუ არა სასწრაფოს ექიმების გარეშე დარჩენა? - გადაუდებელი დახმარების ცენტრი ახალ ექიმებს ეძებს, ეძებენ ექთნებს და მძღოლებსაც. საქმე იმდენად შორს წავიდა, რომ გავრცელებული ცნობებით, სასწრაფოში პრაქტიკანტებს ასაქმებენ, ვისაც არც შესაბამისი კვალიფიკაცია გააჩნია და გამოცდებიც კი ვერ გაიარეს წარმატებით.

როგორ მივედით აქამდე? - ყველაფერი მაშინ დაიწყო, როცა სტაჟიანი კადრები სახლში გაუშვეს. დამცირებული მედიკოსები ამბობენ, რომ უფროსობამ ხელფასების მატების მოთხოვნა ვერ აპატია და მათ წინააღმდეგ სადამსჯელო ოპერაცია რეპრესიული გამოცდებით წამოიწყეს.