პრემიერ-მინისტრმა ამერიკის შეერთებული შტატების ელჩთან საქართველოში კელი დეგნანთან გამოსამშვიდობებელი შეხვედრა გამართა. ინფორმაციას მთავრობის ადმინისტრაცია ავრცელებს. 

მთავრობის ადმინისტრაციის ცნობით, შეხვედრაზე ამერიკის ელჩმა და პრემიერმა აშშ-საქართველოს სტრატეგიული პარტნიორობის მნიშვნელობაზე ისაუბრეს. 

შეხვედრისას მხარეებმა ხაზი გაუსვეს საქართველოსა და აშშ-ს შორის არსებულ სტრატეგიული პარტნიორობის მნიშვნელობას და მიმოიხილეს თანამშრომლობის პრიორიტეტული დღის წესრიგი. მთავრობის მეთაურმა აშშ-ის ელჩს  მადლობა გადაუხადა გაწეული საქმიანობისთვის და წარმატებები უსურვა. მთავრობის ადმინისტრაციაში გამართულ შეხვედრას აშშ-ის საელჩოს ეკონომიკური განყოფილების ხელმძღვანელი ჯინ ფოსტერი ესწრებოდა," - წერია ადმინისტრაციის მიერ გავრცელებულ ინფორმაციაში.