აშშ-ის ელჩზე გამუდმებული თავდასხმა ჩვენი უახლოესი პარტნიორი ქვეყნის დისკრედიტაციის მცდელობაა - ამის შესახებ "ლელოს" ერთ-ერთი ლიდერი ბადრი ჯაფარიძე სოციალურ ქსელში წერს.

ჯაფარიძე მადლობას უხდის კელი დეგნანს აქართველოში გაწეული საქმიანობისთვის წარმატებებს უსურვებს მის შემდგომ საქმიანობაში.

საქართველოში ამერიკის შეერთებული შტატების ელჩის სტატუსით ყოფნის დროს, როგორც ჩვენი ქვეყნის უახლოესი სტრატეგიული მოკავშირისა და მეგობარი ქვეყნის ელჩს, კელი დეგნანს ძალისხმევა არ დაუშურებია ხელი შეეწყო განსხვავებულ პოლიტიკურ ჯგუფებს - სახელისუფლებო პარტიასა და ოპოზიციურ პარტიებს შორის კონსტრუქციული დიალოგის პროცესის წარმართვისათვის. მას ღრმად სწამდა, რომ ეს დიალოგი ხელს უწყობდა საქართველოში დემოკრატიის განვითარებას, ქვეყნის საუკეთესო ინტერესების გათვალისწინებით.

სამწუხაროდ, ელჩის ამ ძალისხმევას ქართულმა ოცნებამ და მისმა ქვედანაყოფებმა მასზე კოორდინირებული პიროვნული თავდასხმით უპასუხეს. ცხადია, რომ აშშ-ის ელჩზე გამუდმებული თავდასხმა ემსახურება ჩვენი უახლოესი პარტნიორი ქვეყნის - შეერთებული შტატების დისკრედიტაციის მცდელობას.

მიუხედავად ქართული ოცნების ამ მცდელობებისა, უკიდურესად მნიშვნელოვანია, რომ შეერთებული შტატები არის და იქნება საქართველოს და ქართველი ხალხის უერთგულესი პარტნიორი და კელი დეგნანის ძალისხმევაც სწორედ ამ პარტნიორობის და მეგობრობის გაღრმავებისკენ იყო მიმართული". - წერს ბადრი ჯაფარიძე.

მინდა, მადლობა გადავუხადო მას საქართველოში გაწეული საქმიანობისთვის და ვუსურვო წარმატებები მის შემდგომ საქმიანობაში.