უკრაინის დამოუკიდებლობის დღესთან დაკავშირებით ქუთაისში აქცია-პერფორმანსი გაიმართა
უკრაინის დამოუკიდებლობის დღისადმი მიძღვნილი სოლიდარობის აქცია ქუთაისში - მოქალაქეები აღმაშენებლის ძეგლთან შეიკრიბნენ.
ოპოზიციურმა სპექტრმა, სამოქალაქო აქტივისტებმა და ქუთაისში მყოფმა უკრაინელებმა ქალაქში ავტომობილებით მსვლელობა გამართეს.
მოგვიანებით კი, „თეთრ ხიდთან” აქცია-პერფორმანსი გაიმართა. შესრულდა საქართველოს და უკრაინის ჰიმნები და სიმბოლურად უკრაინის ფერების კვამლი გაუშვეს.
„ვულოცავთ მეგობარ ქვეყანას დამოუკიდებლობის დღეს და ვუსურვებთ გამარჯვებას მტერთან ბრძოლაში. საქართველოს გადარჩენის ხაზი გადის უკრაინაზე”, - ამბობენ სოლიდარობის აქციის მონაწილეები.
