"გირჩი - მეტი თავისუფლება" და "დროა" საარჩევნო გაერთიანებას ქმნიან.

ინფორმაცია პარტიების სამსახურმა რამდენიმე წუთის წინ გაავრცელა - განცხადებას თან ვიდეოსთან ერთად გაავრცელეს.

• „ჩვენ გვაერთიანებს:
• – ნულოვანი თანამშრომლობა რუსულ რეჟიმთან.
• – მომავლის მკაფიო ხედვა.
• – მოტივაცია, შევცვალოთ საბჭოთა, ერთპარტიული სისტემა თანამედროვე, დასავლური ტიპის, კოალიციური მმართველობით“, - ნათქვამია განცხადებაში.

"გირჩი - მეტი თავისუფლება" და "დროა" აქამდე "სტრატეგია აღმაშენებელთან" ერთად თანამშრომლობდნენ. ტრიო მას შემდეგ დაიშალა რაც "სტრატეგია აღმაშენებელი" საარჩევნოდ ნაციონალურ მოძრაობასთან გაერთიანდა.