,,ოცნებამ" პიროვნების კულტი და მესიანიზმის მანკიერი ტრადიცია დაასრულა - ივანიშვილი

07.06.21 11:53
,,ოცნებამ" პიროვნების კულტი და მესიანიზმის მანკიერი ტრადიცია დაასრულა - ივანიშვილი

,,ქართული ოცნების" დამფუძნებელი და ყოფილი თავმჯდომარე, ბიძინა ივანიშვილი, ვრცელ განცხადებაში "ნაციონალურ მოძრაობასაც" ესხმის თავს და ამბობს, რომ  საკმარისია, ,,ენმ"-ს ლიდერი საჯარო სივრცეს ჩამოშორდეს და მისი პარტია მყისიერად ჩამოიშლება.

"ქართულ ოცნებას" რაც შეეხება, ივანიშვილის განცხადებით, მმართველმა პარტიამ მისი წასვლით პიროვნების კულტის და მესიანიზმის ტრადიცია დაასრულა

მნიშვნელოვანია, რომ მმართველი პარტია არ არის დამოკიდებული ცალკეულ პიროვნებებზე და იგი ძლიერია, როგორც ერთიანი გუნდი, რომელსაც უყვარს ქვეყანა, აქვს ღირებულებები და მყარად იცავს სახელმწიფო ინტერესებს. ამ თვალსაზრისით, ,,ქართული ოცნების" სრული ანტიპოდია ,,ნაციონალური მოძრაობა", რომელიც, თავიდან ბოლომდე მძიმე კრიმინალური წარსულის მქონე მის ერთპიროვნულ ლიდერზე არის დამოკიდებული. საკმარისია, ეს ლიდერი საჯარო სივრცეს ჩამოშორდეს და მისი პარტია მყისიერად ჩამოიშლება.

ერთ-ერთი მთავარი შედეგი, რასაც ,,ქართულმა ოცნებამ" ჩემთან ერთად და პოლიტიკიდან ჩემი გასვლით მიაღწია, სწორედ საქართველოში პიროვნების კულტისა და მესიანიზმის მანკიერი ტრადიციის დასრულებაა"- დაწერა ივანიშვილმა.