ბევრს ვმუშაობთ პარტნიორებთან, სააკაშვილის ლიდერობითა და ქართველი ხალხის ჩართულობითა აუცილებლად გავიმარჯვებთ! - ხაბეიშვილი

08.12.23 10:20
ბევრს ვმუშაობთ პარტნიორებთან, სააკაშვილის ლიდერობითა და ქართველი ხალხის ჩართულობითა აუცილებლად გავიმარჯვებთ! - ხაბეიშვილი

 ენმ-ს თავმჯდომარე  ვაშნგტონში გამართულ შეხვედრებს აჯამებს. ლევან ხაბეიშვილი სოციალურ ქსელში IDU -ს შესახებ წერს, რომლის წევრიც 80-მდე პოლიტიკურ პარტიაა, მათ შორის  "ნაციონალური მოძრაობა".

ოპოზიციონერი ლიდერი დარწმუნებულია, რომ რუსი ოლიგარქის წინააღმდეგ ბრძოლა ქართველი ხალხის ჩართულობით  და მიხეილ სააკაშვილის მონაწილეობით აუცილებლად გამარჯვებით დასრულდება. 

40 წლის წინ, რონალდ რეიგანმა და მარგარეტ ტეტჩერმა დააფუძნეს საერთაშორისო დემოკრატიული კავშირი  IDU - კონსერვატიული და მემარჯვენე ცენტრისტული პარტიების გლობალური გაერთიანება. 

მსოფლიოს სხვადასხვა ქვეყნიდან 80 - მდე პოლიტიკური პარტიაა გაწევრიანებული და მათ შორის "ერთიანი ნაციონალური მოძრაობა". 

ვაშინგტონში გამართულ პოლიტიკური პარტიების ყველაზე დიდ ფორუმზე, განსახილველ საკითხებს შორის იყო მსოფლიოს უსაფრთხოება, საბაზრო ეკონომიკა, დემოკრატიის განვითარება, ადამიანის უფლებები, კანონის უზენაესობა, ავტორიტარიზმების დასრულების მნიშვნელობა - მთავარი მიზანი დემოკრატიული, მემარჯვენე ცენტრისტული, კონსერვატიული  პარტიების გაძლიერება, მხარდაჭერაა ამ საკითხების მოსაგვარებლად და გადასაწყვეტად.

ფორუმის ფარგლებში, შესაძლებლობა გვქონდა გავსაუბრებოდით და ჩვენი ქვეყნისა და ხალხისთვის მნიშვნელოვანი თემები გაგვეზიარებინა ამერიკელი სენატორებისთვის, კონგრესმენებისთვის, ამერიკის შეერთებული შტატების ყოფილი ვიცე პრეზიდენტისთვის, ლიდერობის ინსტიტუტის საერთაშორისო პროგრამების დირექტორისთვის და IDU პრეზიდენტისთვის. ასევე, გვქონდა შესაძლებლობა მსოფლიოს სხვადასხვა ქვეყნიდან, მათ შორის, ევროპიდან პარტნიორი პარტიების ლიდერებთან გვქონოდა საქმიანი კომუნიკაცია.

ძალიან ბევრს ვმუშაობთ ჩვენს პარტნიორებთან საქართველოს საკეთილდღეოდ, რუსი ოლიგარქის წინააღმდეგ ვზრდით მეგობრების წრეს, - წერს ლევან ხაბეიშვილი. 
 

მსგავსი სიახლეები