პრემიერი ისევ ამტკიცებს, რომ მოქმედმა ხელისუფლებამ ქვეყანაში მშვიდობის შენარჩუნება მოახერხა. ამის შესახებ ირაკლი რარიბაშვილმა ელჩების კონფერენციაზე სიტყვით გამოსვლისას ისაუბრა.

ქვეყნის მეთაურმა ისევ მოქმედი ხელისუფლება აქო, ირწმუნებოდა, რომ ქვეყანაში სიღარიბე და უმუშევრობა ისტორიულ მინიმუმზეა.

ბოლო 3 წელია საქართველოში არის მსოფლიოში ერთ-ერთი ყველაზე სწრაფად განვითარებადი ეკონომიკა. ჩვენ, ჩვენმა ხელისუფლებამ ამ მეტად რთულ, ტურბულენტურ გეოპოლიტიკურ ვითარებაში მოვახერხეთ ის, რომ შევინარჩუნეთ მშვიდობა, სტაბილურობა და ძლიერი ეკონომიკური განვითარება, რამაც კონკრეტული ხელშესახები შედეგების მოტანა დაიწყო საზოგადოებისთვის. კარგად მესმის ის სირთულეები, რაც ჩვენს ქვეყანაში რჩება. მთავარი გამოწვევა არის ჩვენი ქვეყნის ტერიტორიების ოკუპაცია. სამწუხაროდ, 20% ოკუპირებულია და ვერ ვახორციელებთ კონტროლს ჩვენს ტერიტორიებზე. რა თქმა უნდა, გამოწვევად რჩება მაღალი უმუშევრობის დონე, სიღარიბის დონე, თუმცა მინდა აღვნიშნო, რომ წელს, ძლიერი ეკონომიკური განვითარების შედეგად, სიღარიბის და უმუშევრობის დონე ჩამოვიდა ისტორიულ მინიმუმზე. ასევე, ქვეყნის ეროვნული რეზერვები ისტორიულ მაქსიმუმს მიუახლოვდა. რა თქმა უნდა, მინდა აღვნიშნო, რომ ამ რთულ ვითარებაში, მთავარი პრინციპი და სახელმძღვანელო, კონსტიტუცია არის ჩვენი ქვეყნის ეროვნული ინტერესები. მინდა მეც გავიმეორო, რომ ჩვენ ვიმყოფებით გარემოში, სადაც ყოველ დღე იცვლება მსოფლიო წესრიგი. ვხედავთ, რომ ჯერ ამ პროცესის გაჩერება შეუძლებელია. ასეთ ვითარებაში, ისეთი ქვეყანა, როგორიც საქართველო არის თავისი გამოწვევებით და ეროვნული ინტერესებით, რა თქმა უნდა, არ გვაქვს უფლება არ ვიხელმძღვანელოთ ეროვნული ინტერესებით. სახეზეა კონკრეტული შედეგი. მას შემდეგ, რაც ხელისუფლებაში მოვიდა ეროვნული მთავრობა, ეროვნული ინტერესების გამტარებელი ხელისუფლება, მას შემდეგ დაიწყო კონკრეტული შედეგების მოტანა ჩვენი ქვეყნის და ხალხისთვის. ეს არის რეალობა“,- აღნიშნა პრემიერმა.