ერთიანი ნაციონალური მოძრაობის“ თავმჯდომარე ლევან ხაბეიშვილი დუშეთში, სოფელ გრემისხევში იმყოფებოდა, სადაც ოკუპაციის ხაზიდან რამდენიმე მეტრში მცხოვრებ - ნონა კაკალაშვილს შეხვდა. 

ენმ-ს თავმჯდომარის თქმით, ნონა კაკალაშვილი ხელისუფლებამ სოციალური დახმარების გარეშე დატოვა. 

ამ ადგილიდან 200 მეტრში დგას ოკუპანტი მკვლელი პუტინის ტანკები და ფაქტობრივად ჯარი, რომელსაც ოკუპირებული აქვს ჩვენი ქვეყანა. აქ, ამ ოჯახში ცხოვრობს ერთი ქალბატონი, რომელიც იცავს ჩვენი ქვეყნის ტერიტორიულ მთლიანობას და დიახ, საქართველო ჯარისკაცია ეს ქალბატონი და მე მრცხვენია, რომ ამ ადამიანს არ აძლევენ სოციალურ დახმარებას, არ უქმნიან ელემენტარულ პირობებს, რომელიც ცხოვრობს მარტო და აქედან რამდენიმე კილომეტრში ფაქტობრივად ოკუპანტები ჰყავს მეზობლად.

ეს ადამიანი არის ქართველი გმირი დედა, რომელიც არ ტოვებს არ აქაურობას, რომელიც იბრძვის იმისთვის, რომ არ დაიცალოს სოფელი და კიდევ უფრო არ გააგრძელოს ოკუპანტმა მცოცავი ოკუპაცია. შესაბამისად, ყველას კარგად უნდა გვესმოდეს, რომ სახელმწიფოს პოლიტიკა უნდა მდგომარეობდეს შემდეგში - ოკუპაციის ხაზთან ჩვენს მოქალაქეებს უნდა მივაქციოთ ყურადღება, ახალი წელი მოდის, ამ ადამიანებს სჭირდებათ მზრუნველობა, ამ ადამიანებს სჭირდებათ ყურადღება, ამ ადამიანს სახლში შემოსვლის დროს ნახავდით, რომ მხარზე ჰქონდა ევროკავშირის დროშა. მას სახლზე აღმართული აქვს ევროკავშირის დროშა და დიახ, ევროკავშირი არის საქართველოსთვის უსაფრთხოების გარანტი, მშვიდობის, ეკონომიკური კეთილდღეობის გარანტი და თქვენ ვერ ვერსად ვერ ნახავთ ევროკავშირის ქვეყნებში ასე მიტოვებულ მოქალაქეს, ასე დაცლილ სოფლებს და ჩვენ გვინდა, რომ საქართველოში იყოს ევროპული სოფლები, სადაც არის დოვლათი, ეკონომიკა, სადაც ადამიანს არ ეშინია ოკუპანტის და სადაც ადამიანი არ არის მიტოვებული და ჩვენ ამისთვის გავაკეთებთ ყველაფერს, რომ შევიდეთ ევროკავშირში, რომ დაფასებული იყოს მოქალაქე, რომ არ იყვნენ მიტოვებული ადამიანები, რომ არ უწევდეთ ასეთ მძიმე მდგომარეობაში ცხოვრება და მე მინდა ვუთხრა საქართველოს ჯერ კიდევ ხელისუფლებას, „რუსულ ოცნებას“ - გრცხვენოდეთ ადამიანის ამ მდგომარეობაში მიტოვება, გრცხვენოდეთ დუშეთის მერია იქნება თუ მაღალი თანამდებობის პირები, ვინც სასირცხვილოდ უარს ეუბნებით 80-90 თუ 100 ლარზე ადამიანს, იმ პირობებში, როდესაც თქვენ საკრებულოს თავმჯდომარის მოადგილეებს, ბაღის დირექტორებს და თქვენს აქტივისტებს პირდაპირი მნიშვნელობით აძღობთ და ურიგებთ სოციალურ დახმარებას, როცა არც შემოსავალი აკლიათ, არც ავტომობილები და არც არაფერი და ეს ადამიანი მიატოვეთ იმ პირობებში, როცა არის საქართველოს ჯარისკაცი, საქართველოს პატრიოტი და ის მიზანმიმართულად არ ტოვებს სოფელს, მიზანმიმართულად არ ტოვებს თავის სახლს, თორემ სხვა შემთხვევაში აუცილებლად ოკუპანტი კიდევ უფრო წინ წამოიწეოდა, მანამ სანამ მას შეუძლია ის გააგრძელებს მცოცავ ოკუპაციას იმ პირობებში, როცა საქართველოს მოქალაქე არის ასეთი დაუფასებელი.“- განაცხადა ლევან ხაბეიშვილმა

მოვიდეს ღარიბაშვილი და ერთი დღე გაათენოს აქ - თქვა ნონა კაკაშვილმა, რომელმაც მძიმე პრობლემებზე ისაუბრა: 

პირველ რიგში მოგესალმებით, უღრმესი მადლობა თქვენ მეგობრებო მობრძანებისთვის. შეხედეთ, სად ვცხოვრობ. მე ვარ ნონა კაკაშვილი 35 წელია ვცხოვრობ დუშეთის რაიონ სოფელ გრემისხევში. აქვე გვაქვს რუსული საზღვარი, შემომხედეთ, დანგრეული ყველაფერი, მიტოვებული და ერთადერთი მოსახლე, რომელიც მე ვარ არ ვტოვებ აქაურობას. მოვითხოვე სოციალური დახმარება, რადგან 14 ივლისს მოვიდა საშინელი სეტყვა გაანადგურა აბსოლუტურად ყველაფერი და ვიფიქრე სახელმწიფო იქნებ, რაიმეთი მოგვეხმაროს. იყო დუშეთიდან გადმოსული სოფლის მეურნეობის წარმომადგენელი, რომელმაც მითხრა  გიცნობთ, მაგრამ  ვერაფრით ვერ მოგეხმარებითო.

დავწერე სოციალური და მივიღე 90 000 ქულა,რისთვის ? იმიტომ ,რომ აქ მარტო ვცხოვრობ და არავინ არ არის?! ამიხსნან მეტი არაფერი მინდა. ამის ფონზე მეუბნებიან შენ არც დახმარება გეკუთვნის,არც დასაქმება გეკუთვნის, არც პენსია მაქვს. ამიხსენი რა გავაკეთო?!

თქვენ აკეთებთ მიზანმიმართულად იმიტომ, რომ დაიცალოს ეს სოფლებიც და წავიდეს ხალხი, იძულებული ხარ იმიტომ, რომ ლუკმაპურის ფული არა გაქვს, რა გავაკეთო 55 წლის ასაკში მითხარით, გამეცით პასუხი, ეკონომიკა გიდუღთ და მოვიდეს ღარიბაშვილიც და ერთი ღამე გაათენოს აქ იქნებ ,როგორმე მიხვდნენ ,რომ ხალხსაც მიაქციონ ყურადღება და იმ ხალხსაც  ჭირდება ის ელემენტარული ყურადღება .ჩემ დღეში კიდევ რამდენია ?!“ - განაცხადა ნონა კაკაშვილმა.