"ჩვენს გუნდს შემდეგი მოწვევის პარლამენტში მოსახვედრად არავისთან გაერთიანება არ სჭირდება", - ამ განცხადებას პარტია "საქართველოსთვის" წევრი ანა ბუჩუკური აკეთებს.

ბუჩუკურის თქმით, მათი პარტიის კარი ყველასთვის ღიაა. თუმცა დეპუტატის თქმით, მისი პარტია სხვა პოლიტიკურ გუნდთან გაერთიანებას არ გეგმავს. 

ნაცების და "ოცნების" ეს ციკლი ჩაკეტილი ამ ქვეყანაში უნდა დასრულდეს და ეს ქვეყანა გამოსაყვანია ორი ბელადის მიერ რაღაც ჩაკეტილი წრიდან, რომ ეს ქვეყანა აქედან უნდა გამოვათრიოთ, ვინც ამას იზიარებს, ყველა ასეთი ღირსეული ადამიანისთვის ჩვენი გუნდის კარი ღიაა. ქართული პოლიტიკა არითმეტიკა ნამდვილად არ არის, ჩვენს გუნდს შემდეგი მოწვევის პარლამენტში მოსახვედრად არავისთან გაერთიანება არ სჭირდება,“ - ამბობს ანა ბუჩუკური.