პოლონეთის საელჩო საქართველოში რუსეთისთვის ბიჭვინთის სახელმწიფო აგარაკების გადაცემასთან დაკავშირებით სოციალურ ქსელში განცხადებას ავრცელებს - მათი თქმით, მომხდარი საერთაშორისო სამართლის ნორმების დარღვევაა.

პოლონეთის საელჩოს განცხადებით, ისინი მხარს უჭერენ საქართველოს ტერიტორიულ მთლიანობას.

ჩვენ მკაცრად ვგმობთ რუსეთის ფედერაციის მიერ პიცუნდას/ბიჭვინთის ტერიტორიის უკანონო მითვისებას. ეს ქმედებები საერთაშორისო სამართლის ნორმების აშკარა დარღვევაა. პოლონეთი სრულად უჭერს მხარს საქართველოს ტერიტორიულ სუვერენიტეტს მის საერთაშორისოდ აღიარებულ საზღვრებში." ნათქვამია საელჩოს განცხადებაში.