"პაპუაშვილი კაცის კაციც კი არ არის, კაცის კაცის კაცია, რა თქმა უნდა, ის საინტერესო არ არის," - ამ განცხადებას თინა ხიდაშელი აკეთებს და შალვა პაპუაშვილის მიერ დღეს გავრცელებულ წერილს ეხმაურება. 

თინა ხიდაშელის თქმით, "ქართული ოცნების" ხაზი წინასაარჩევნოდ კვლავ საზოგადოების პოლარიზება, მათ შორის რელიგიური საკითხებით და დასავლეთის კრიტიკით მოხდება. 

შალვა პაპუაშვილის აზრები, წერილები ნაკლებად საინტერესოა ჩემთვის, იმიტომ, რომ მას აზრები არ აქვს თავისი და როდესაც კაცის კაცის კაცი ხარ - ის კაცის კაციც კი არ არის, კაცის კაცის კაცია, რა თქმა უნდა, ის საინტერესო არ არის.
„ქართული ოცნების“ საარჩევნო ფილოსოფია უკვე არაერთი არჩევნების სწორედ ამ ტიპის გახლავთ დაწყებული გარეჯი სახელმწიფოა - რომელიც იყო ყველაზე მკვეთრად გამოხატული აბსოლუტურად პროვოკაციული, ანტისახელმწიფოებრივი საარჩევნო კამპანია - ეს პროცესი გრძელდება და მაქვს მოლოდინი, რომ 2024-ის არჩევნები მთავარი ლაიტმოტივა იქნება სამად გაყოფილი - ორი ის, რაც პლაკატებზე ჰქონდა, რომ არსებობენ ქვეყნის და ეკლესიის მტრები, ოპოზიციაში, რა თქმა უნდა, და ყველა იმ ორგანიზაციაში, რომელიც შეიძლება პოლიტიკურ პროცესში არ არის ჩართული, მაგრამ მათდამი კრიტიკულად არის განწყობილი და მესამე, სამწუხაროდ, ეს არის ერთმნიშვნელოვანი, ცალსახა ანტიდასავლური კამპანია, რაღაც კორუმპირებული დასავლეთის მტრების ძიება, გლობალური ომის პარტია,“ - ამბობს ხიდაშელი.

მტრული შეტევები ეკლესიაზე შეთანხმებული კამპანიის ნაწილია, რაც გულისხმობს, რომ ეროვნული და რელიგიური ღირებულებები შეუთავსებელია დასავლურ ღირებულებებთან" - ამის შესახებ პარლამენტის თავმჯდომარის შალვა პაპუაშვილის „ფეისბუქ“ გვერდზე გავრცელებულ განცხადებაშია აღნიშნული.