საეჭვოდ გამდიდრებული ცესკოს შეფი -  დაინტერესდება თუ არა გიორგი კალანდარიშვილის დიდძალი ქონებით ანტიკორუფციული ბიურო?  ეს მოთხოვნა ოპოზიციას შაბათის ეთერში გასული რეპორტაჟის შემდეგ გაუჩნდა.  გამომძიებელმა ჟურნალისტებმა დაადგინეს, რომ კალანდარიშვილი ქვეყანაში ერთ-ერთი ყველაზე მდიდარი ჩინოვნიკია. თუმცა, ჩნდება კითხვა, როგორ შეძლო საჯარო მოხელის ხელფასით საარჩევნო ადმინისტრაციის ხელმძღვანელმა 8 სახლი და კიდევ მიწის ნაკვეთები ეყიდა. 

საბოლოო ჯამში, კალანდარიშვილის უძრავი ქონების საბაზრო ფასმა მილიონს მიაღწია. ამ ქონებას ცესკოს შეფი ისე საგულდაგულოდ მალავდა, რომ ბინებს ბაგა-ბაღის აღსაზრდელ შვილზეც კი აფორმებდა.

კალანდარიშვილის საეჭვო  გამდიდრების სქემაში არის კიდევ ერთი ბუნდოვანი გარემობა: კორპუსს, სადაც ცესკოს შეფს ხუთი ბინა აქვს, სამშენებლო ნებართვაზე პრობლემა ქონდა. საქმის დალაგება მერიასთან და კალანდარიშვილის ოჯახის წევრებზე ბინების გადაფორმება კი დროში ერთმანეთს საეჭვოდ ემთხვევა.

ვრცლად ნახეთ ინა ცარციზის რეპორტაჟში.