რუსეთის ფედერაციაში შვეიცარიის საელჩოს საქართველოს ინტერესების განყოფილების ახალ ხელმძღვანელად მამუკა მერკვილაძე დაინიშნა - ამის შესახებ ინფორმაცია რუსეთის ქართულმა სათვისტომომ გაავრცელა. მედიის ინფორმაციით, მამუკა მერკვილაძე მოსკოვში უკვე ჩავიდა. 

მერკვილაძემ ამ თანამდებობაზე გიორგი ქაჯაია შეცვალა, რომელიც პრემიერმა კობახიძემ დღეს ახალ თანამდებობაზე დანიშნა. ქაჯაია ზურაბ აბაშიძეს შეცვლის და რუსეთთან ურთიერთობის საკითხებში პრემიერის მრჩეველი იქნება. 

მამუკა მერკვილაძე არის კომპანია ფოთი-ტრანსტერმინალის თანადამფუძნებელი, მუშაობდა სატრანსპორტო ლოგისტიკის სფეროში.