რა დაგიშავათ ემიგრანტებმა? - ამ კითხვით მიმართა პარლამენტის პლენარულ სხდომაზე "სტრატეგია აღმაშენებლის" ლიდერმა გიორგი ვაშაძემ საქართველოს საგარეო საქმეტა მინისტრს, რონმელიც საკანონმდებლო ორგანოში ინტერპელაციის წესით დეპუტატების დასმულ კითხვებს პასუხობს. 

ვაშაძემ ასევე ხაზი გაუსვა იმ ეკონომიკური სიდუხჭირეს, რის გამოც მშობლები შვილებს ტოვებენ და სარჩო-საბადებლის საშოვნელად საზღვარგარეთ უწევთ იძლებით წასვლა.

საგარეო საქმეთა მინისტრს მინდა დავუსვა მთავარი კითხვა - რა დაგიშავათ ემიგრანტებმა? მართლა რა დაგიშავეს ემიგრანტებმა? 800 ათასზე მეტი ჩვენი თანამემამულე იძლებული გახდა 2012 წლის შემდგომ ქვეყნიდან წასულიყო, იმიტომ, რომ შემოსავალი არ აქვს, სამუშაო არ აქვს. ფასების ზრდის პირობებში უბრალოდ ოჯახს ვერ არჩენენ და წავიდნენ ადამიანები იმისთვის, რომ რაღაცა სარჩო-საბადებელი იშოვონ და მათ შვილებს გადმოურიცხონ. მილიარდები შემოდის აქედან საქართველოს ეკონომიკაში და ეს არ არის კარგი. ადამიანები თავიანთ შვილებს ტოვებენ და შვილები მშობლების გარეშე იზრდებიან", - ამბობს ვაშაძე.