"ავტორიტარული განცხადებების უკან სინამდვილეში დგას შეშინებული ხელისუფლება, რომელსაც ძალიან ეშინია ხელისუფლების დაკარგვის," - ამ განცხადებას "ლელოს" დეპუტატი ანა ნაცვლიშვილი აკეთებს და "ქართული ოცნების" რიტორიკას აფასებს, სადაც ცდილობენ საზოგადოება დააჯერონ, რომ 2024 წლის არჩევნებში მმართველი პარტია უალტერნატივოა.

როგორც ანა ნაცვლიშვილი ამბობს, ხელისუფლება მსგავსი განცხადებებით ცდილობს შიშის დაფარვას.

ეს არ არის ხელისუფლება, რომელიც ევროპულ ღირებულებებს იზიარებს და ევროპული გეზით წაიყვანს ქვეყანას, ასეთი განცხადებები ახასიათებს რუსეთს და რუსული ტიპის მმართველობით მართულ სახელწიფოებს. ავტორიტარული განცხადებების უკან სინამდვილეში დგას შეშინებული ხელისუფლება, რომელსაც ძალიან ეშინია ხელისუფლების დაკარგვის და ცდილობს, ბაქიბუქით გადაფაროს თავისი ძლიერი შიში,“ - ამბობს ანა ნაცვლიშვილი

"„ქართლი ოცნების“ მხარდაჭერა 60%-ის ფარგლებშია, „ნაციონალური მოძრაობის“ 15%-ის ფარგლებში. სხვა პარტიებს ბარიერის გადალახვის პრობლემა აქვთ" - ამ განცხადებას პარლამენტის თავმჯდომარე შალვა პაპუაშვილი აკეთებს.