“პირველი უსამართლობა არის ის, რომ სიღარიბის, უმუშევრობის, მაღალი ფასების გამო ადამიანებს არ შეუძლიათ სამშობლოში დარჩენა, რაზეც პასუხისმგებელი საქართველოს მთავრობაა”, - ამის შესახებ “სტრატეგია აღმაშენებლის” გენერალურმა მდივანმა პაატა მანჯგალაძემ განაცხადა. 

მანჯგალაძის თქმით, რეალურად პრობლემა არის ის, რომ „ქართული ოცნების“ წევრები ყველაფერს ვიწრო პარტიულ ჭრილში ხედავენ და ვერ გრძნობენ, რომ ეს არის ეროვნული მასშტაბის საკითხი და უმნიშვნელოვანესია ემიგრანტებს ჰქონდეთ არჩევნებში ხმის მიცემის უფლება. 

ის, რომ ჩვენს ემიგრანტებს არ ეძლევათ არჩევნებში მონაწილეობის მიღების უფლება, არის ორმაგი უსამართლობა.

 პირველი უსამართლობა არის ის, რომ სიღარიბის, უმუშევრობის, მაღალი ფასების გამო ადამიანებს არ შეუძლიათ სამშობლოში დარჩენა, რაზეც პასუხისმგებელი საქართველოს მთავრობაა. და მეორე უსამართლობაა, რომ ხელისუფლება მათ არ აძლევთ არჩევნებში მონაწილეობის უფლებას. 

 ვეკითხები საგარეო საქმეთა მინისტრს და უმრავლესობის წევრებს, უცხოეთში გახსნილ 50 საარჩევნო უბანზე როგორ უნდა მიიღოს არჩევნებში მონაწილეობა 1 მილიონმა ადამიანმა? - ელემენტალური მატემატიკაა რომ 1 მილიონი ადამიანი ვერ გადანაწილდება 50 უბანზე. 

 რეალურად პრობლემა არის ის, რომ „ქართული ოცნების“ წევრები ყველაფერს ვიწრო პარტიულ ჭრილში ხედავენ და ვერ გრძნობენ, რომ ეს არის ეროვნული მასშტაბის საკითხი და უმნიშვნელოვანესია ემიგრანტებს ჰქონდეთ არჩევნებში ხმის მიცემის უფლება. 

 მინდა ვუთხრა „ქართულ ოცნებას“ , მიუხედავად იმისა გაითვალისწინებენ თუ არა ისინი ამ საკითხს, ცვლილებების დრო მოსულია და ძალიან მალე ისინი ოპოზიციაში გადავლენ” - განაცხადა მანჯგალაძემ.