მინდა ვუპასუხო „სტრატეგიას“, რომელიც აქ, „ნიანგის ცრემლებით“ ცრემლებით მოთქვამდა ,ჩვენი ხელისუფლების პირობებში ამ საგარეო საქმეთა სამინისტრომ 100%-ით გაზარდა ჩვენი თანამემამულეების რაოდენობა, რომლებმაც ხმა მისცეს არჩევნებში - ასე მიმართა „ქართული ოცნების“ დეპუტატმა არჩილ თალაკვაძემ ოპოზიციის წარმომადგენლებს პარლამენტის პლენარულ სხდომაზე, პარლამენტში, სადაც „ინტერპელაციის წესით“ საგარეო საქმეთა მინისტრს,ილია დარჩიაშვილს უსმენენ.

 არჩილ თალაკვაძემ ოპოზიციის განცხადებებს სპეკულაცია და დეზინფორმაცია უწოდა.

„რაც შეეხება [ემიგრანტების] არჩევნებში მონაწილეობის უფლებას, სპეკულაცია და დეზინფორმაციაა, რომ თითქოს ემიგრაციაში მყოფ ჩვენ თანამემამულეებს საშუალება არ აქვთ არჩევნებში მონაწილეობა მიიღონ. ეს უფლება არის კანონით გარანტირებული და ისინი მონაწილეობენ არჩევნებში. მინდა ვუპასუხო „სტრატეგიას“, რომელიც აქ, „ნიანგის ცრემლებით“ ცრემლებით მოთქვამდა ემიგრაციაში მყოფ ადამიანებთან დაკავშირებით და სამინისტროს ადანაშაულებდა, რომ თითქოს რეგისტრაციებს ბლოკავენო და ა.შ. მინდა პირადად თქვენ გითხრათ, რომ ჩვენი ხელისუფლების პირობებში ამ საგარეო საქმეთა სამინისტრომ 100%-ით გაზარდა ჩვენი თანამემამულეების რაოდენობა, რომლებმაც ხმა მისცეს არჩევნებში“, - განაცხადა არჩილ თალაკვაძემ.

შეგახსენებთ, რომ გიორგი ვაშაძის სიტყვით გამოსვლას პარლამენტში ხმაური და დაპირისპირება მოჰყვა. რას ერჩით ემიგრანტებს - ეს იყო წინადადება, რომელმაც უმრავლესობა წყობიდან გამოიყვანა.