გაიხსნას ქირურგიული განყოფილება - ქუთაისის ო. ჩხობაძის სახელობის კლინიკის სასწრაფო განყოფილების ექთნები მიმართვას ავრცელებენ. 

როგორც ექთნები ამბობენ, მიუხედავად რემონტის დასრულებისა და ჯანდაცვის სამინისტროს დაპირებისა, რეგიონული ჯანდაცვის ცენტრი დღემდე არ ხსნის ქირურგიულ განყოფილებას, რის გამოც ქირურგიული განყოფილების ექთნებს არ ეძლევათ ხელშეკრულებებით გათვალისწინებული სამუშაოს შესრულება.

კლინიკაში დაიხურა ქირურგიული დეპარტამენტი, გვეუბნებიან, რომ ეს არის დროებითი. იმის გამო, რომ გოგონები, ვინც იქ იყვნენ დასაქმებულები, ვერ ახდენდნენ კომპენსაციის უზრუნველყოფას, ეს გოგონები, ჩვენი კეთილი ნებით - ემერჯენსის, თერაპიული, კარდიოლოგიური გოგონების ნებით გადავინაწილეთ, რომ ეს პროცესი გაგრძელდებოდა დაახლოებით, ორი თვე - იანვარი და თებერვალი და ჩვენი კუთვნილი მორიგეობები გადავინაწილეთ. ამის შემდეგ მოხდა ის, რომ ერთი მორიგეობა არ იქნა საკმარისი და ავედით ორ მორიგეობაზე, როგორც ვხედავთ, სამწუხაროდ, მარტში არანაირი ქირურგიული განყოფილება არ გაიხსნება და მოგვიწევს აპრილში და შემდგომ კიდევ ამ ჩვენი ხელფასების მიცემა ამ გოგონებისთვის და გვაინტერესებს, რამდენ ხანს გაგრძელდება ეს პროცესი და ხელშეკრულებით, რომლითაც მაქვს სრული შტატი, რატომ უნდა მოხდეს ჩემი კუთვნილი ხელფასის დაკავება და მიცემა სხვისთვის," - ამბობს ერთ-ერთი ექთანი.