მიხეილ სააკაშვილის გათავისუფლების მოთხოვნით, ხელმოწერების შეგროვება გრძელდება.

მესამე პრეზიდენტის პირადი წარმომადგენელი, სოფო ჯაფარიძე დღეს ბოლნისის მოსახლეობას შეხვდა და მათ პირადად აუხსნა, თუ რატომ არის საჭირო, რომ მესამე პრეზიდენტი თავისუფლებაზე იყოს.

ახლა ვიმყოფებით ბოლნისში. წარმოუდგენელია რაც ხდება ყველგან, მთელი საქართველოს მასშტაბით. ადამიანები რიგებში დგანან, რომ მოვიდნენ, ხელი მოაწერონ მიხეილ სააკაშვილის გათავისუფლების მოთხოვნას. ეს იყო უპრეცედენტო და მიხეილ სააკაშვილმა გააერთიანა ასობით ათასი ადამიანი. შემდეგ კვირაში მათი ხელმოწერა შევა ქალბატონ სალომე ზურაბიშვილთან და მე კიდევ ერთხელ მინდა ვუთხრა მას, ქალბატონო სალომე, ნუ დაგვიმახინჯებთ ქვეყნის ისტორიას", - ამბობს სოფო ჯაფარიძე.