პრემია-დანამატებში დახარჯული კოლოსალური თანხები - საჯარო სამსახურებში დასაქმებულებმა 414  მილიონი ლარის ფულადი ჯილდო მიიღეს. აუდიტის სამსახურმა დათვალა და გაარკვია, რომ ეს უპრეცედენტო შემთხვევა, არასდროს საჯარო სამსახურებში დასაქმებულებისთვის ამ რაოდენობის პრემია- დანამატი არ გაუციათ. დანამატის სახით დარიგებულია 363 მილიონი, პრემიის სახით კი 51 მილიონზე მეტი. ამ ფულს "ქართული ოცნების" პარტიული აქტივი და საჯარო სამსახურში დანიშნული კადრები იღებენ.

ოპოზიცია ამბობს, რომ აღნიშნული თანხების დარიგება წინასაარჩევნო მზადებას უკავშირდება, რათა ხმების მობილიზება მოახდინონ. ენმ-ს წევრი ირაკლი ნადირაძე ამბობს, რომ ხშირ შემთხვევაში, პრემია-დანამატების გადანაწლებაც უსამართლოდ ხდება. 

"ქართული ოცნება" ხელოვნურად ბერავს ბიუროკრატიას და ასობით მილიონ ლარს გასცემს პრემია-დანამატებშ, რაც ნიშნავს იმას, რომ ივანიშვილის ხელისუფლებას არ ადარდებს ხალხის პრობლემები. ხალხის გაჭირვება, ხალხის უმუშევრობა. ხშირად ამ პრემია-დადნამტაბების გადანაწილება ხდება აბსოლუტურად უსამართლოდ. მასწავლებლებს, პოლიციელებს, რიგით პოლიციელებს, რიგით ჯარისკაცებს, როგორც წესი, ძალიან მცირედი დანამატი აქვთ ხოლმე თუ აძლევენ ან საერთოდ არ აძლევენ, ხოლო მარალჩინოსნებს, იმ ადამიანებს, რომელთაც აქვთ 5 და 10 ათასი ხელფასები, იღებენ ხოლმე, როგორ წესი, ყველაზე დიდ პრემიებს, - ამბობს ირაკლი ნადირაძე. 

აუდიტის სამსახურის დასკვნით ცნობილი ხდება, რომ 2023 წელს საჯარო მოხელეების ანაზღაურებაზე 22%-ით მეტი დაიხარჯა, ვიდრე წინა წელს.