ავტოსაგზაო შემთხვევა ქობულეთის შემოვლით გზაზე - სოფელ ოჩხამურთან სამი ადამიანი დაიღუპა, არიან დაშავებულები. ინფორმაციას "აჭარის ტელევიზია" ავრცელებს.

სასწრაფო-სამედიცინო სამსახურის განმარტებით, ადგილზე მისულ ბრიგადას სამი ადამიანი გარდაცვლილი დახვდა. ორი დაშავებული კი კლინიკაში გადაიყვანეს. ექიმების განცხადებით, ორივე დაშავებულს სასწრაფოდ დასჭირდა ქირურგიული ჩარევა.

შინაგან საქმეთა სამინისტროს ინფორმაციით, მომხდარზე გამოძიება სსკ-ის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.