ირაკლი კობახიძის ბრძანებით, დაზვერვის გენერალ-მაიორი შალვა ლომიძე საქართველოს დაზვერვის სამსახურის უფროსის თანამდებობიდან გაუშვეს. 

შალვა ლომიძე ყოფილი პრემიერის კადრია - ის ირაკლი ღარიბაშვილმა  2021 წლის აპრილში, დანიშნა.

ლომიძის შემცვლელი ჯერ დანიშნული არ არის.

რა ვიცით საქართველოს დაზვერვის სამსახურის ყოფილ შეფზე? 

• 2020 წლიდან 2021 წლამდე იკავებდა სამსახურის უფროსის მოვალეობის შემსრულებლის პოზიციას.
• 2014 წელს იგი გახდა საქართველოს დაზვერვის სამსახურის უფროსის პირველი მოადგილე.
• 2014 წელს შალვა ლომიძე  საქართველოს დაზვერვის სამსახურში  დირექტორატის უფროსის მოადგილისა და შემდგომ დირექტორატის უფროსის თანამდებობებს იკავებდა.
• 2012 წელს მას საქართველოს შინაგან საქმეთა სამინისტროს საინფორმაციო-ანალიტიკური დეპარტამენტის მთავარი სამმართველოს უფროსის თანამდებობა ეკავა.
• 2005-2012 წლებში იგი საქართველოს შინაგან საქმეთა სამინისტროს  კონტრდაზვერვის დეპარტამენტში  სხვადასხვა პოზიციაზე მუშაობდა.
• აკადემიის დასრულების შემდეგ, შალვა ლომიძემ კარიერა დაიწყო საქართველოს სახელმწიფო უშიშროების სამინისტროს კონტრდაზვერვის სამსახურში, სადაც იკავებდა სხვადასხვა პოზიციას. 2004 წლიდან მან მუშაობა განაგრძო საქართველოს სახელმწიფო უშიშროების სამინისტროს კონტრშპიონაჟის დეპარტამენტში.
• 1999 წელს მან დაამთავრა საქართველოს სახელმწიფო უშიშროების სამინისტროს აკადემია.