"უცხოური აგენტების კანონის" ხელახლა შემოტანით "ქართული ოცნება" ღალატობს ყველას ნდობას, ვინც დაუღალავად მუშაობდა, რათა საქართველოს კანდიდატის სტატუსი მიღებაში დახმარებოდა, - ამ განცხადებას სოციალურ ქსელში ევროპარლამენტარი სვენ მიქსერი ავრცელებს.

მიქსერი ეხმაურება რუსული კანონის ხელახლა ინიცირებას და მმართველ ძალას ქართველი ხალხის მისწრაფებებისა და ქვეყნის ევროინტეგრაციის გულშემატკივრების ღალატში ამხელს.

უცხოური აგენტების კანონის ხელახლა შემოტანით პარტია "ქართული ოცნება" შლის უფრო ღრმა ევროპული ინტეგრაციისადმი ქართველების მისწრაფებებს და ღალატობს ყველას ნდობას, ვინც დაუღალავად მუშაობდა, რათა საქართველოს კანდიდატის სტატუსი მიღებაში დახმარებოდა”, - წერს მიქსერი სოციალურ ქსელ X-ზე.

ცნობისთვის, “უცხოური გავლენის გამჭვირვალობის შესახებ“ კანონის პროექტი პარლამენტში 3 აპრილს ხელახლა დააინიცირეს.