საქართველოში არსებული სიტუაცია დღეს EU-ის საგარეო საქმეთა მინისტრებმა განიხილეს -  როგორც ევროკავშირის საგარეო სხდომის დასრულების შემდეგ რადიო თავისუფლების ევროპული ბიუროს უფროსმა რიკარდ იოზვიაკმა დაწერა,  შესაძლოა  ევროპელი მინისტრები ჩავიდნენ საქართველოში: "გაიჟღერა მოწოდებამ, რომ ევროპელი მინისტრები ჩავიდნენ საქართველოში".

"საქართველოში არსებული სიტუაცია დღეს EU-ის საგარეო საქმეთა მინისტრებმა განიხილეს. გაიჟღერა მოწოდებამ, რომ ევროპელი მინისტრები ჩავიდნენ საქართველოში, ან საქართველოს საგარეო საქმეთა მინისტრი ჩასულიყო ბრიუსელში EU-ის საგარეო საქმეთა საბჭოზე," - წერს იოზვიაკი.

ლუქსემბურგში საგარეო საქმეთა საბჭოს სხდომა დღეს, 22 აპრილს გაიმართა, რომელსაც ევროკავშირის საგარეო საქმეთა და თავდაცვის მინისტრები ესწრებოდნენ. შეხვედრაზე საუბრის ერთ-ერთი თემა საქართველოში განვითარებული პროცესები იყო. 

დღის წესრიგის მიხედვით, განხილვის მთავარი თემა ომში ჩართული ქვეყანა, უკრაინაა. შეერთებული შტატების მიერ უკრაინისთვის გამოყოფილი დახმარების პაკეტის შემდეგ, უკვე ევროკავშირი მსჯელობს უკრაინის მხარდაჭერის გაძლიერებაზე.