"დავეხმარებით ჩვენს ევროპელ კოლეგებს, რომ მათაც მოახერხონ და თავი დააღწიონ აგენტურის მმართველობას", - ეს განცხადება "ქართული ოცნების" გენერალურმა მდივანმა კახა კალაძემ გააკეთა.

საგანგებო ბრიფინგზე კალაძემ ევროდეპუტატები გააკრიტიკა და მათ მიერ რუსული კანონი უკან გაწვევისკენ მოწოდება დაგმო.

დიახ! ჩვენ გვჭირდება ევროპა, თუმცა არანაკლებ ვჭირდებით ევროპას, რამეთუ გვაქვს დიდი გამოცდილება აგენტოკრატიასთან ბრძოლაში. უახლოეს წარსულში ჩვენ გავათავისუფლეთ ქვეყანა გარე ძალებისგან მართული მარიონეტებისგან და ასევე დავეხმარებით ჩვენს ევროპელ კოლეგებს, რომ მათაც მოახერხონ და თავი დააღწიონ აგენტურის მმართველობას, რომლებიც აუფასურებენ ევროპულ სტრუქტურებს და ევროპულ იდეას", - ამბობს კალაძე.