„შავით თეთრზე წერია კონკრეტული საფრთხეების შესახებ რეზოლუციაში. მესმის ივანიშვილს არ უნდა ეს საფრთხეები გაიგოს, რადგან უნდა პრობლემა ჰქონდეს ჩვენს ქვეყანას, უნდა საბოლოო ჯამში ეს ქვეყანა რუსეთის გუბერნია გახდეს, მაგრამ ჩვენ არ მივცემთ ამის შესაძლებლობას ივანიშვილს," - ეს განცხადება "ერთიანი ნაციონალური მოძრაობის" თავმჯდომარემ ლევან ხაბეიშვილმა ვიზალიბერალიზაციასთან დაკავშირებით გააკეთა.

ხაბეიშვილის თქმით, ივანიშვილის მიზანია, რომ ეს ქვეყანა რუსეთის გუბერნია გახდეს.

„ღიად საუბრობენ ჩვენი პარტნიორები, რომ ეს არის პრობლემა. სანამ ჭაობში და დაჩოქებულს არ დაინახავენ ივანიშვილის პარტიის წევრები, მანამდე არ აპირებენ გაჩერებას. არ ჩავაბარებინებთ და არ დავაჩოქებინებთ ამ ქვეყანას არც ივანიშვილს და არ მივცემთ უფლებას ივანიშვილის პარტიას ჩვენი შვილების ბედით ითამაშოს, ამიტომ გესმოდეთ, დასავლეთთან ასეთი საუბრით შესაძლოა ლარი უბრალოდ კუპონი გახდეს. თქვენ ხელფასი აღარ გეყოფათ, ქაღალდები დაგრჩებათ ხელში. ჯერ რა ხელფასებია, ძლივს ინახავთ ოჯახებს ისეთი დაბალი ხელფასებია და ისეთი გაჭირვებაა, ინფლაციაა ამ ქვეყანაში და ბოლოს კუპონი შეგრჩებათ ხელში. შავით თეთრზე წერია კონკრეტული საფრთხეების შესახებ რეზოლუციაში. მესმის ივანიშვილს არ უნდა ეს საფრთხეები გაიგოს, რადგან უნდა პრობლემა ჰქონდეს ჩვენს ქვეყანას, უნდა საბოლოო ჯამში ეს ქვეყანა რუსეთის გუბერნია გახდეს, მაგრამ ჩვენ არ მივცემთ ამის შესაძლებლობას ივანიშვილს," -  განაცხადა ლევან ხაბეიშვილმა.