ღარიბაშვილის ნათელ-მირონს რუსული კანონი მოსწონს - ნამორაძე "ოცნებას" აქებს
რუსული კანონის ინიციატორ ხელისუფლებასთან დაახლოებული ბიზნესმენი, ნოშიკო ნამორაძე სოციალურ ქსელში განცხადებას ავრცელებს.
ირაკლი ღარიბაშვილის ნათელ მირონი ამტკიცებს, რომ "2012 წლიდან ვხედავთ მნიშვნელოვან პოზიტიურ ცვლილებებს საქართველოს ბიზნესის სფეროში".
„პირველ რიგში, მინდა მოგილოცოთ ბზობის ბრწყინვალე დღესასწაული, გისურვებთ მშვიდობასა და მტკიცე ერთობას! მე ნოშიკო ნამორაძე, კერძო სექტორის წარმომადგენელი, კერძოდ „ვიარ ჰოლდინგის“ დამფუძნებელი და უბრალოდ ამ ქვეყნის ერთ-ერთი რიგითი მოქალაქე, არ შემიძლია, რომ არ გამოვეხმაურო ჩვენს ქვეყანაში მიმდინარე პროცესებს.
2012 წლიდან ჩვენ ვხედავთ მნიშვნელოვან, პოზიტიურ ცვლილებებს საქართველოს ბიზნესს ლანდშაფტში. ჩვენ დავინახეთ მნიშვნელოვანი და პოზიტიური ცვლილებები ეკონომიკურ ნაწილში, შეიქმნა დამატებით მრავალი სამუშაო ადგილი და საერთო ჭრილში, რომ აღვნიშნოთ ყოველივე წინ გადადგმულმა ნაბიჯმა გამოიწვია სტაბილური და სწრაფად მზარდი ეკონომიკა, რაც დადებითად აისახება, როგორც ჩვენს მოქალაქეებზე, ასევე ჩვენს ქვეყანაზე.
დავიწყოთ იქიდან, რომ ევროპული ღირებულებები წარმოადგენს სიცოცხლისუნარიან გზას პირადად ჩემთვის, ასევე ჩვენი ქვეყნისთვის. მიუხედავად პოლიტიკური კუთვნილებისა თუ პარტიული გემოვნებისა, ჩვენ ქართველ ხალხს, დიდი ხნის წინ გვაქვს ევროპული არჩევანი გაკეთებული და სწორად მაგ გზაზე ვდგავართ დღესაც, რაც აისახა შემდგომში უკვე ასოცირების ხელშეკრულებაზე, ვიზალიბერალიზაციაზე, კანდიდატის სტატუსზე, თუ სხვა ევროპულ მონაპოვარზე, რომელიც ვფიქრობ, რომ შემთხვევით არ მოსულა ჩვენამდე და ეს ყველაფერი სწორი და ღირსეული პოლიტიკური ნაბიჯების შედეგია.
ქართველების კოლექტიური მისწრაფება ევროპულ საზოგადოებაში ინტეგრაციაა და ამას სხვა ალტერნატივა არ გააჩნია. ვფიქრობ და გულით მჯერა, რომ ჩვენ ერთად გავაგრძელებთ პროგრესს ევროკავშირში გაწევრიანების საერთო მიზნისკენ.
დამატებით მინდა აღვნიშნო, რომ საქართველო დამოუკიდებელი სახელმწიფოა, რომელიც ემსახურება საკუთარი ქვეყნისა თუ მოქალაქეების ინტერესს და ჩვენ ყველა ერთად, უპირველეს ყოვლისა უნდა ვითვალისწინებდეთ ჩვენი ქვეყნის საჭიროებებს. სწორედ მთელი საქართველოს უძველესი თუ უახლესი ისტორია ამაზე იდგა და დგას, რომ საქართველო იყო, არის და იქნება დამოუკიდებელი, სუვერენული სახელმწიფო. ჩვენ ვცხოვრობთ ღირსეულ სახელმწიფოში, რომელიც ღირსეულად წარმართავს თავის საშინაო თუ საგარეო პოლიტიკას დღესაც და მომავალშიც. რაც შეეხება გამჭვირვალობის კანონის ირგვლივ მიმდინარე დისკუსიებს, აუცილებელია გამჭვირვალობისა და კარგი მმართველობის აღიარება, როგორც ფუნდამენტური საყრდენი, რომელიც ეხმიანება ევროპულ ღირებულებებს.
ეს პათოსი სცილდება ბიზნესსექტორს და მოიცავს საზოგადოების ყველა ასპექტს. გამჭვირვალობა აუცილებელია ყველა სექტორში. ჩვენ არ შეგვიძლია უგულებელვყოთ ფარული უცხოური დაფინანსების მავნე გავლენა სასიცოცხლო მნიშვნელობის პროექტებზე, რომლების “გაუქმება ან გადადება” ხელს უშლის ჩვენი ქვეყნის პროგრესს. ვფიქრობ, რომ რა არჩევანიც არ უნდა გავაკეთოთ ქართველმა ხალხმა, გამჭვირვალობის გარეშე, ყველა წამოწყება განწირულია მარცხისთვის. გამჭვირვალობა კი არ უნდა გვაშინებდეს, პირიქით როგორც ხელის შემწყობ ინსტრუმენტს, ასე უნდა აღვიქვამდეთ.
გამჭვირვალობის კანონის მიღება ვერ იქნება ვერცერთი ჩვენი მეგობარი თუ არამეგობარი ქვეყნისთვის მოსაწონი და მისაღები, რადგან ამ კანონით ჩვენი ქვეყანა ატარებს და იმყარებს საკუთარ ინტერესს ცივილიზებულ სამყაროში, ამ კანონით ვიცავთ ჩვენს ქვეყანას და არავის აქვს უფლება რაიმე საფრთხე შეუქმნას საქართველოს მშვიდობასა და სტაბილურობას.
დასასრულს, ჩვენი კოლექტიური პასუხისმგებლობაა დავიცვათ ჩვენი ქვეყნის ინტერესები და ხელი შევუწყოთ მშვიდობასა და კეთილდღეობას. მე სრულ მხარდაჭერას ვუცხადებ საქართველოს მთავრობას და მჯერა, რომ დღევანდელი ხელისუფლება არ გადაუხვევს ევროპულ გზას და არ დააზიანებს ჩვენი ქვეყნის მომავალს. ამასთანავე დარწმუნებული ვარ ქართველი ხალხის სიმტკიცესა და სიბრძნეში, ქართველები უდავოდ გააგრძელებენ ჩვენი ქვეყნის განვითარებასა და ევროპასთან უფრო მჭიდრო ინტეგრაციისკენ ქვეყნის წაყვანას. “ენა, მამული, სარწმუნოება”. საქართველო უპირველეს ყოვლისა!,” - აღნიშნულია ნამორაძის განცხადებაში.
აღსანიშნავია, რომ ირაკლი ღარიბაშვილის ნათელ-მირონის კომპანიას თბილისის ბავშვთა ქალაქის ნაწილს აძლევენ. მზიურში, 12 ათას 250 კვადრატულ მეტრზე ნამორაძე მრავალფუნქციურ კომპლექსს, რესტორნებს, საოფისე ფართებს და ჩოგბურთის მოედნებს ააშენებს. მზიურს, რომელიც განსაკუთრებული რეკრეაციული ზონაა, სტატუსსაც უცვლიან.
მას შემდეგ, რაც ქვეყნის პრემიერს ნოშიკო ნამორაძემ შვილი მოანათლინა, მალევე 70 ათას კვადრატულზე, დედაქალაქის ცენტრში, სპორტის უნივერსიტეტის ტერიტორიაზე უდიდესი კომპლექსის მშენებლობის ნებართვა მისცეს.
ამასთან, როგორც "შაბათის ეთერს" კომფიდენტი უყვება, ექსპრემიერი გადაყენების შემდეგ სწორედ ნამორაძის ოჯახის წევრებთან ერთად ისვენებდა არაბეთში.
ასევე წაიკითხეთ:
მსგავსი სიახლეები
"პირველებმა" აღდგომის ღამეს მომხდარი სასტიკი მკვლელობის ახალი დეტალები გაარკვია - რა მოხდა გველეთში?
47 წლის გია ხაიკაშვილის მკვლელობის საქმეზე ბრალდებულები, ნიკა და პაატა ქუშაშვილები პოლიციამ 2 დღიანი ძებნის შემდეგ, ნაქირავებ ბინაში დააკავა - დანაშაულის იარაღი ამოღებული არ არის.