ივანიშვილის გზავნილი დასავლეთს? - "საქართველო არ არის იანუკოვიჩის უკრაინა"
ოლიგარქმა ბიძინა ივანიშვილმა მესამე სექტორისა და ოპოზიციის გალანძღვის შემდეგ, ანტიდასავლური განცხადებები გააკეთა.
"დღევანდელი საქართველო არ არის არც შევარდნაძის დროინდელი საქართველო და არც იანუკოვიჩის უკრაინა" - ამბობს "ქართული ოცნების" ლიდერი.
ივანიშვილის მტკიცებით, საქართველოს მართავს "ძლიერი და ერთ მუშტად შეკრული პროფესიონალთა გუნდი", რომელმაც იცის სამშობლოს, დამოუკიდებლობის, სუვერენიტეტის ფასი.
"ურეიტინგო ნაციონალებისა და NGO-ების ხელით ხელისუფლების შეცვლა დღევანდელ საქართველოში შეუძლებელია", - ამბობს ოლიგარქი.
მისივე თქმით, "სწორედ სუვერენიტეტის გამყარებას ემსახურება ქართული კანონი უცხოური გავლენის გამჭვირვალობის შესახებ".
