მსახიობი ნანა ბუთხუზი - უბედურებაა, როცა ჩემივე მოქალაქე მარბევს
მსახიობი ნანა ბუთხუზი სპეცდანიშნულების რაზმს მიმართავს - ეუბნება, რომ რუსეთი ჯოჯოხეთია,
"ჩემივე თანამოქალაქე მარბევს, მტრად მთვლის, როგორ შეიძლება მე მთვლიდე მტრად? მე ვარ მტერი თუ რუსია მტერი? - რა უბედურებაში ვცხოვრობთ. აქ ჩვენი შვილების ბედნიერებისთვის ვდგავართ
რუსეთთან ერთად ვერ განვითარდებით, ჯოჯოხეთში გავიღვიძებთ"- ამბობს მსახიობი.
სპეცრაზმი მშვიდობიანი მოქალაქეების წინააღმდეგ - აქციის მონაწილეებისთვის დამიზნებით რეზინის ტყვიების სროლის შედეგად რამდენიმიმე ადამიანია დაშავებული.
ერთ-ერთი მათგანი "პირველების" კამერამ გადაიღო. რეზინის ტყვიის კვალი სხეულზე ეტყობა.
წყლის ჭავლი და საპოლიციო ძალების მობილიზება რუსთაველზე - გამზირს აქციის მონაწილეებისგან ცლიან. რუსთაველის გამზირი, ფაქტობრივად, სამართალდამცავების ალყაშია მოქცეული.
ისე დაიწყეს დარბევა მოქალაქეების, რომ გამაფრთხილებელი სიგნალი რამდენიმე წამით ადრე გაისმა.
შსს-ს დამატებითი ეკიპაჟები შემოჰყავთ რუსთაველის გამზრიზე. კადრებში ჩანს შეიარაღებული სპეცრაზმელები, რომლებიც ბრძანების შემთხვევაში რეზინის ტყიებს ისვრიან მოქალაქეების წინააღმდეგ.
მანამდე კი, რუსთაველის გამზირზე რეზინის ტყვიებს დამიზნებით ისვრიან - გაფრთხილება დემონსტრანტებს არ მოუსმენიათ. სპეცრაზმელები გაზის კაფსულებს ისვრიან.
