"ერთიანი ნაციონალური მოძრაობის" თავმჯდომარეს, ლევან ხაბეიშვილს ცხვირის ძვლების მოტეხილობა აღენიშნება. როგორც ინგოროყვას სახელობის კლინიკის კლინიკურმა დირექტორმა პროფესორმა კახა ჭელიძემ განაცხადა, თვალის მთლიანობა დარღვეული არ არის, თუმცა აუცილებლად საჭიროებს ოფთალმოლოგის კონსულტაციას.

„ჩვენი მხრიდან მკაცრი რეკომენდაციაა სტაციონარში დარჩენის მინიმუმ 24 საათით, თუმცა პაციენტს სრულიად განსხვავებული მიზანი აქვს, ჩვენგან არის მკაცრი რეკომენდაცია ჰოსპიტალიზაციის"- თქვა ექიმმა.