ხმაურია ამ წუთებში აჭარის მთავრობის სახლთან - შენობასთან შეკრებილი სამოქალაქო აქტოვისტები და პოლიტიკოსები 5-6 ივლისის მოვლენებს აპროტესტებენ. ისინი "ტვ პირველის" ოპერატორის გარდაცვალებაზე პასუხისმგებლობას საქართველოს ხელისუფლებას აკისრებენ. 

სამოქალაქო აქტივისტებმა შენობას პროტესტის ნიშნად წითელი საღებავი შეასხეს. მთავრობის სახლთან პოლიციის უპრეცენდენტო მობილიზებაა, ადგილი ჰქონდა შეხლა-შემოხლასაც, რა დროსაც რამდენიმე ადამიანი დააკავეს. 

აქცია „ლექსოსთვის“ დღეს აჭარის მთავრობის სახლთან რამდენიმე ორგანიზაციამ დაგეგმა. ადგილზე მყოფი ოპოზიციონერი დეპუტატები თორნიკე რიჟვაძესთან შესვლას ითხოვენ, თუმცა პოლიცია მათ შენობაში შესვლის საშუალებას არ აძლევს.