შინაგან საქმეთა სამინისტროს თამარ მეფის გამზირზე, ახალგაზრდებზე თავდასხმასა და სასტიკ ანგარიშწორებაში ბრალდებული არც ერთი პირი არ დაუკავებია. ამის შესახებ "პირველებს" სამინისტროს პრესამსახურში უთხრეს.

10-ზე მეტი თავდამსხმელის ვინაობა უკვე დადგენილია - არსებობს კადრები, რომ ისინი განსაკუთებული სისასტიკით უსწორდებიან რუსული კანონის მოწინააღმდეგეებს, თუმცა პოლიციას არც ერთი დაკავებული არ ჰყავს.

სამინისტრო არ ამბობს, დაკითხვაზე მაინც თუ დაიბარეს პირები, ვინც სასტიკ ძალადობაში მონაწილეობდა.

თავდასხმაში მონაწილე პირები, ვისი იდენტიფიცირებაც "პირველებმა" შეძლო:

• ერთ-ერთი პირი 34 წლის ჯონდო უარიადმყოფელია.
• "პირველებმა" მშვიდობიან მომიტინგეებზე თავდასხმაში მონაწილე კიდევ ორი პირის ვინაობა დაადგინა. საუბარია დიმიტრი ჭუმბურიძე და გიორგი უბილავაზე.