"ხალხის ძალის" ლიდერი გურამ მაჭარაშვილი რუსულ კანონზე პრეზიდენტის ვეტოს "სამართლებრივ ნონსენსს" უწოდებს. ივანიშვილის დანაყოფის წევრის თქმით, სალომე ზურაბიშვილს არავინ ეკითხება, მიიღებს თუ არა რაიმე კანონს პარლამენტი.

ეს სამართლებრივი ნონსენსია. ერთი მხარეა ის, რომ დიდი ხნის განმავლობაში იქნება ამ საკითხზე მსჯელობა იურისტებში, რამდენად კონსტიტუციურია. რა თქმა უნდა, ეს არ არის კონსტიტუციური. პრეზიდენტს არავინ ეკითხება კანონს მივიღებთ თუ არა, - ამბობს გურამ მაჭარაშვილი.  

"პირველებმა" მოიპოვა საქართველოს პრეიზდენტის მიერ რუსულ კანონზე დადებული ვეტოს დოკუმენტი. ის 73 გვერდიანია და სალომე ზურაბიშვილი დეტალურად ასაბუთებს, რატომ არ უნდა მოხდეს ამ კანონის ამოქმედება. "ეს კანონის არაკონსტიტუციურია" - წერს პრეზიდენტი და ასაბუთებს, რომ რუსული კანონის ეწინააღმდეგება საქართველოს კონსტიტუციის მე-4 მუხლს.