ვენეციის კომისიის ექსპერტთა შორის, რომელთა კომპეტენციასაც "ოცნება" იწუნებს, საქართველოდან არის მინდია უგრეხელიძე, რომელიც იუსტიციის მინისტრის მოქმედი მრჩეველია.

სწორედ ამიტომ, "პირველებმა" დღე მინისტრს ჰკითხა, იზიარებს თუ არა საქართველოს პრემიერის პოზიციას, რომ ვენეციის კომისიის ექსპერტებმა დასკვნის მომზადებისას, "საკუთარ პროფესიულ ღირსებაზე თქვეს უარი" და ხომ არ შეაქვს ეჭვი მინდია უგრეხელიძის კომპეტენციაში, თუმცა ბრეგაძემ კითხვას პასუხი არ გასცა.

ბრეგაძემ ასევე არ უპასუხა კითხვას, ენდობა თუ არა ვენეციის კომისიის დასკვნას და მხოლოდ ზოგადი კომენტარით შემოიფარგლა.

მინისტრი ამბობს, რომ ოკუპირებულ ქვეყანაში, სახელმწიფოს უნდა ჰქოდნეს იმის უფლება, რომ იცოდეს, თუ რა ტიპის დაფინანსება შემოდის ქვეყანაში. 

შეგახსენებთ, რომ ვენეციის კომისია ხელისუფლებას კატეგორიულად ურჩევს, რომ რუსული კანონი გააუქმოს - ამის შესახებ ვენეციის კომისიის დასკვნაშია ნათქვამი.

დასკვნაში საუბარია, რომ კანონი მნიშვნელოვან პრობლემას უქმნის ადამიანის ფუნდამენტურ უფლებებს, გამოხატვის თავისუფლებას და პირადი ცხოვრების ხელშეუხებლობას.

ასევე ნახეთ

• რა წერია "რუსული კანონის" შესახებ პრეზიდენტის ვეტოში  
• ვენეციის კომისია ხელისუფლებას კატეგორიულად ურჩევს, რომ რუსული კანონი გააუქმოს - ამის შესახებ ვენეციის კომისიის დასკვნაშია ნათქვამი.