უნგრეთის პრემიერ-მინისტრი ვიქტორ ორბანი ამბობს, რომ ნაკლებად სავარაუდოა, რომ რუსეთი NATO-ს ნებისმიერ წევრს დაესხმება თავს, მისთვის ეს უსაფუძვლოა. 

"რუსი სამხედროები უკრაინასთან სერიოზულ და რთულ ომს აწარმოებენ", - თქვა ორბანმა საზოგადოებრივ რადიოსთან ინტერვიუს დროს.

უკრაინელების ერთბაშად დასამარცხებლად რუსები საკმარისად ძლიერები რომ იყვნენ, ამას უკვე გააკეთებდნენ", - განაცხადა ორბანმა.

უნგრეთის პრემიერის თქმით, NATO-ს შესაძლებლობები გაცილებით აღემატება უკრაინისას, ამიტომაც ნაკლებად სავარაუდოა, რომ რუსეთი ან ნებისმიერი სხვა ქვეყანა NATO-ს დაესხმება თავს:

არ მიმაჩნია ლოგიკურად, რომ რუსეთი, რომელსაც უკრაინის დამარცხებაც არ შეუძლია, მოულოდნელად მოვიდეს და მთელი დასავლური სამყარო გადაყლაპოს. ამის შანსები ძალიან მცირეა", - ამბობს ორბანი.

ორბანის განცხადებით, რუსეთის საფრთხეებზე მითითებებს უკრაინის ომში დასავლეთის უფრო ღრმა ჩართულობის პრელუდიად აღიქვამს.