"ევროკავშირი და მისი წევრი ქვეყნები განიხილავენ ყველა ვარიანტს ამ მოვლენებზე რეაგირებისთვის," - ამ ერთობლივი განცხადებით ეხმაურება ევროკომისიაში უმაღლესი წარმომადგენელი, ჯოზეფ ბორელი და ევროკომისია რუსული კანონის დამტკიცებას. 

განცხადებაში პირდაპირ წერია, რომ რუსული კანონის დამტკიცებას რეაგირება მოჰყვება პარტნიორებისგან.

ევროკავშირმა არაერთხელ აღნიშნა, რომ საქართველოს პარლამენტის მიერ მიღებული კანონი ეწინააღმდეგება ევროკავშირის ძირითად პრინციპებსა და ღირებულებებს.

მისი ამოქმედებით საქართველო უკან დაიხევს ევროკომისიის მიერ გაცემული სულ მცირე სამი რეკომენდაციის (დეზინფორმაციის შესახებ; პოლარიზაციას; ფუნდამენტური უფლებებისა და სამოქალაქო საზოგადოების ორგანიზაციების ჩართულობის შესახებ) შესრულებაში და უარყოფითად იმოქმედებს საქართველოს ევროინტეგრაციაზე.

ჩვენ მოვუწოდებთ საქართველოს ხელისუფლებას შეცვალოს ეს ტენდენცია და მტკიცედ დაბრუნდეს ევროკავშირის გზაზე. ჯერ კიდევ არის დრო ამ დინამიკის შესაცვლელად - მაგრამ საჭიროა მმართველი ხელისუფლების ძლიერი ვალდებულება.

ევროკავშირი და მისი წევრი ქვეყნები განიხილავენ ყველა ვარიანტს ამ მოვლენებზე რეაგირებისთვის.

ჩვენ ვაგრძელებთ ქართველ ხალხთან დგომას და ვაღიარებთ მათი აბსოლუტური უმრავლესობის არჩევანს მათი ქვეყნის ევროპული მომავლისთვის", - წერია განცხადებაში.